由email,xanga,Blogger 及其他上綱既id我都中意用ino呢個名，點解?
INO 的全名是INORAN, 是一個九十年代日本樂隊LUNA SEA的結他手。要搵一個出色的結他手其實很容易，搵一個只係彈得快既更加容易。好多人都覺的拿起支結他就好型，彈得快就更加有型，再加上一頭長頭髮(或者只係前面果'執'長)就一定最有型，就好似各大機鋪入面玩結他機既靚仔甘，就自覺好有型......其實彈結他最覺個心。就好似外國既eric clapton甘，用一支不是十分起眼的stratocaster+個普通既amp再加上用心的彈，就已經能引起所有人的共嗚。其他例子多的是，如 BB King、Jimmy Page、David Gilmour 同Jimmy Hendrix 都係很好的例子。好的歌不是靠快 ; 不是複雜的指法 ;不是bass開得大聲 ; 更不是靠歌手個樣。INORAN絕不是一個世界知名的樂手，他只是個在台上靜靜地用心彈的人。他所作/編的曲，如Mother都是要用心聽多次才會明白的，他彈的旋律多不是主音，但卻能觸動人的心靈。亦因為他的音樂對我啟發及影響極深，因此的亦借用他的名並沿用至今。
自從七年前偶然買左佢地既最後大碟LUNACY後，就開始留意外國既BAND SOUND。先係中意日本，之後就係所有既外國音樂都有興趣，自此我亦從不聽香港的流行曲，亦因為甘我亦絕不會去唱K，除左因為我完全對本地流行曲冇興趣之外，我亦有自知之明，我絕對不是會唱歌的人。而近排就最中意瑞典既 KENT 及英國的 TRAVIS。
